InicioEconomíaOs traballadores de Alcoa piden garantías de futuro nas negociacións porque os...

Os traballadores de Alcoa piden garantías de futuro nas negociacións porque os compradores están “excépticos”

Din que "se se pecha a fábrica, as subvencións que mantiveron os postos de traballo e o emprego durante tres anos terían que ser devoltas".

Publicada o

- Advertisement -

presidente do comité de empresa de Alcoa, José Antonio Zan, advertiu este xoves de que os compradores da planta de San Cibrao, en Cervo, “están escépticos” co proceso de venda. “Se agora mesmo paralizan a venda e non se volve a abrir ata xaneiro de 2023 dunha forma distinta a este momento, eles case seguro que darían a espantada”, afirmou.

Por iso, reivindicou que “se necesita que as empresas continúen co proceso de venda e necesítase que o Goberno lles garanta un marco enerxético co cal poidan competir“. Zan constatou que ata agora “os que fixeron unha oferta non vinculante son catro compradores, a partir de agora terían que ser as ofertas máis serias”. “Serían eses catro os que entrarían na operación”, resolveu.

En relación ao Goberno central, este sindicalista de Comisións Obreiras subliñou que están “a esperar a que o Ministerio (de Industria) entregue ese borrador para empezar a traballar sobre a nosa folla de ruta”. “O que temos claro é que o Goberno ao sacar á SEPI ten que buscar unha solución que nos sirva a todos“, demandou.

Os traballadores de Alcoa seguen reclamando “garantías de continuidade e de futuro”. “Seguimos lembrando a ambos os gobernos (central e Xunta) que ambos prometeron que ían solucionar o problema sen que houbese perda de postos de traballo, nin caída da produción”, insistiu.

En definitiva, no comité de prensa antepoñen esas “garantías” porque, aclara, “aquí non se trata de dar garantías a Alcoa, senón aos traballadores”. “Que a Alcoa teñen que darlles garantías, iso é cuestión do Goberno que negocia coa empresa e non de nós”, remarcou.

SUBVENCIÓNS

Finalmente e ante unha posible sanción do Goberno polo CO2, que podería ascender a 34 millóns de euros a reclamación á multinacional americana, Zan afirmou descoñecer “se é así ou non”.

Con todo, manifestou que “se se pecha a fábrica, as subvencións que mantiveron os postos de traballo e o emprego durante tres anos terían que ser devoltas”.

ÚLTIMAS

Erika Gomes Mendes: “Fixen un traballo para saber se os caboverdianos coñecían algo de Galicia antes de vir”

-Erika, cando chegaches a Burela desde o teu país? Cheguei a Burela en 2017 e...

‘A Sacabeira’ celebrará o Día de Rosalía o 25 de febreiro en Sargadelos

O vindeiro 25 de febreiro, no Café Bar Cultural A Sacabeira, a ACR Fervenza  de Sargadelos celebra...

Denuncian que o Hospital de Burela queda só cun cardiólogo

A CIG-Saúde da Mariña denuncia que o hospital queda cun só especialista en cardioloxía...

Trabada solicita unha subvención para as cubertas do CEIP Celso Currás

O Concello de Trabada solicitou unha subvención á Xunta de Galicia para a mellora...